ബലൂൺ

ഒരിക്കൽ എവിടെനിന്നോ ഒരു ബലൂൺ കിട്ടി. എന്നിൽ നിന്നും അകന്നു പോകാതിരിക്കാൻ ഞാനതിന്റെ നൂൽ മുറുകെ പിടിച്ചിട്ടുണ്ടായിരുന്നു. പക്ഷെ പിന്നീട് ആ ചരട് പൊട്ടിപ്പോയി. ആ ബലൂൺ ഉപേക്ഷിക്കാൻ അപ്പോഴും മനസ്സുണ്ടായിരുന്നില്ല.അതുകൊണ്ട് ഞാൻ അതിനു പിന്നാലെ പറന്നു. ഞാനതിലേക്ക് അടുക്കുംതോറും അത് അകന്നു പോകുകയായിരുന്നു. എന്റെ ചിറകുകൾ പതിയെ തളർന്നു പോകുന്നതു പോലെ തോന്നുന്നു. പക്ഷെ ഞാൻ പറക്കുക തന്നെ ചെയ്യും. അത് എന്റെ സ്വപ്‌നമാണ്